طبعا بعد انتشار خبر سرقة جزمة المشير وكعادة الشعب المصرى العظييييييييييييييم اللى ما بيفوتش الهوا وبيعمل نكته على كل كلمه
كان دورى المعتاد انى اجيبلكم التعليقات اللى تموت من الضحك على الموضوع ده اللى انتشرت طازه ومؤخرا على الفيس وتويتر والشبكات الاخباريه وتم عمل صفحات كثيييييره على الفيس بوك تتحدث عن نفس الموضوع
الشعب المصرى: سلمنا السلطه نسلمك الجزمه
المفتش كورمبو
يا تري مين اللي سرق جزمة المشير
1- حمبوزو لاوي بوزه
2- سحس بومب
3-حامد مفيش فكة
... ... انا عرفت مين اللي سرق الجزمة
لو انت عرفت .اتصل من مصر علي علي س 28 نيابات
تكسب مدرعة من اللي واقفين في ماسبيرو
وابقو قابلوني في الشهر اللي جاي مع حادثة جديدة من حوادث الجيش
كده المجلس مسروق منه ... عدد 1 جزمه و عدد 1 مدرعه
لجنه تقصى الحقائق : لقد تم سرقه جزمه المشير وهو لابسها
والي الان لم تتبني اي جهه او جماعه عمليه سرقه الجزمه ومازال البحث جاري
منصور العيسوى:المشير معندوش جزمه اساسا ....
مرتضى منصور : انا عندى سيديهايه إللى سرق الجزمه ومعايه مقاسه كمان
توفيق عكاشه: يا سياده المشيييير ماهو انت ياخويا لو كنت واخدها تحت باطك كيداهوّن وانت داخل مكنتش إتسرقت
احمد زوبيضر : هذا مخطط ماسونى لمعرفه مقاس المشير
...
عمرو مصطفى:جزمه المشير اساسا فوتوشوب .... مرسومه على رجله ولا يمكن سرقتها ... هذا خبر كاذب من منظمه بياده أون لاين لصالح كوتشيهات الاعداء
منصور العيساوى:المشير معندوش جزمه اساسا
التلفزيون المصرى :قله مندسه واصابع خفيه تلعب فى جزمه المشير ولكن مازال الرباط شديد بين الجيش والشعب
إحنا اسفين يا ريس: حمله مكثفه لجمع اموال لشراء بياده كلاركس للمشير بدل إللى اتسرقت بعنوان (إحنا اسفين يا جزمه)
حمله ترشيح المشير: ها هو المشير يسرق حذائه كمواطن بسيط ويلبس أوبئاب كمواطن بسيط ويطرقع وهوا ماشى كمواطن بسيط ... يا له من مواطن حافى بسيط يستطيع ان يقود ابناء وطنه الحافين إلى إستقرار الكوتشى وإنسيابيه الإسبدرين ورقى الكعب العالى وهيبه الشبشب أبو ورده
طلعت السادات :يقدم بلاغ للنائب العام ضد 6 إبريل بأنهم هم من خططو لسلت جزمه المشير من امام باب الجامع بتمويل صهيونى إرانى مستكوفى مستعفن
المجلس العسكرى: أيها الشعب العظيم لقد فقدت مصر جزمتا ... من اشد الرجال ... جزمتا ... من اغلى المحال ... جزمتا ... من اقوى النعال ... جزمتا ... كان يضرب بها الرجال
وبما اننا حمينا الثوره ومشعرفين نحمى الجزمه
فنناشد شعب مصر الشرفاء ... إللى يلاقى الجزمه يسلمها لأقرب وحده شرطه عسكريه وهنيالك يا فاعل الخير ... وإلا المشير مش هيعرف يسلم العهده ... وهتلبسوه للأبد .... والله الموفق والمستعان
بعد البيان مباشرة :اعداد هائله من الجزم تنهال بغزاره على المجلس العسكرى
اللى انا عايز اسال عليه بكرة الشرطةفى الكماين بدل مايشوفوا البطاقة هيشوفوا مقاس ونوع الجزمة ولا ايه ؟؟؟
محمود معروف : خبر من اليوم السابع بيقول سرقة جزمة المشير .. يعنى ايه الكلام ده؟
مدحت شلبى : يعنى سرقة الجزمة بتاع سيادته مفهوم مفهوم
وائل غنيم : دي مش غلطتنا دي غلطة كل واحد مش ماسك جزمته جنبه وهو بيصلي
المشير : الجزمه الي حيلتي ضاااااااااااعت ضاااااااااااااااااعت ... شفيق : ياما قولتله يلبس الشبشب وهوا مسمعش الكلام
يا بخت اللى سرق جزمه المشير ,, والله عيل جرئ
دا انا اخاف اسرق جزمة امين شرطه )
بس يا بختة , اكيد الجزمة اصلية
وجلد طبيعى , لا صنع اليابان ولا صنع الصين
دى صنع بلدنا ومبتتقطعش
توفيق عكاشه : يابرادعى لو قلتلى نعل الجزمه دهون معمول من جلدة انهى معزه !!! انا هانتخبك رييييس
احمد سبايدر : انا جاتلي مكالمة ماسونية بتقول ان هما الي سرقوا جزمة المشير
عكاشة : يا دكتور البرادعي لو تعرف مقاس الجزمة كام قولنا يمكن ننتخبك
عمرو مصطفي : الجزمة كان مقاسها 45 يعني نقص منها 20 يديك معاد الثورة
هتلاعبني بالارقام لا يا عدوي انا فاهمك .... ومفيش حد صلي العيد اصلا كل دا كان فوتوشوب
مصدر في الجيش : حركة 6 ابريل تلقت تدريبات في الخارج علي كيفية سرقة الجزمة وتفكيك الرباط
ابناء المخلوع قرروا عمل حزب الجزم دعما للمشير
يعني الجيش اللي حمي الثورة مش قادر يحمي الجزمة
يا جزمة الهنا يا ريتني كنت أنا
واللى واقف فى البلكونه بيشرب سيجاره ومخنوق اقوله ادخل جزمة المشير اتسرقت هاهاهاهاها حد يسالنى يقولى طب هيروح ازاى اقوله يدوله قبقاب خشب بقى واحد تانى يقولى هو ده مركزه اقوله معرفش
ليست هناك تعليقات:
إرسال تعليق